Nagakadapat nga buligan sang National Electrification Administration (NEA) ang mga Electric Cooperatives agud nga mahagan-hagan ang epekto sa plano nga pagkakas sang systems loss charge sa mga consumers. Ini ang nangin pahayag ni South Cotabato Governor Reynaldo S. Tamayo Jr. sa interview sang Bombo Radyo Koronadal.
Suno sa gobernador, dako ang mga epekto sang pagkakas sang Systems loss charges sa mga Electric Cooperatives sa diin posible nga abagahon sang mga ini ang epekto sang technical kag non-technical nga epekto sang Systems loss. Dugang pa ni Governor Tamayo, naga kaangay man nga e-upgrade sang SOCOTECO-I ang ila nga mga equipments kag capasities sini agud nga malikawan ang mga technical issues sang Systems Loss lakip sa mga ini ang proper load balancing, pag-eliminate management error kag pag sabat sa mga non-technical issues agud nga epektino nga nga pakigbatuan ang sytems loss.
Sa tion nga mag-upgrade ang SOCOTECO-1, nagapati ang gobernador nga malikawan ang pagka-uyang sang kuryente nga ginabayran man sang mga konsumedor nga naga abaga sang Systems Loss Charges kada bulan. Madumduman nga sa ika-5 nga State of National Address ni Presidente Ferdinand Marcos Jr. isa sa mga ginhatagan sini sang ligwa ang pagkakas sa Systems Loss Charges sa mga konsumedor nga naga dugang pa sa gasto sang mga ini kag ginduso ang pag amendar sang EPIRA Law agud nga masolusyonan ang nasambit nga tikang.
