Nagpanindugan si Navotas Rep. Toby Tiangco nga dapat ipaagi sa pre-plenary hearing ang sobra P30 bilyon nga budget sang House of Representatives agud mahibaluan kun paano gingasto ang pondo sang 2026 kag ano ang basehan sang ginhagna nga budget para sa 2027.
Suno kay Tiangco, dapat mahibaluan sang mga kongresista kun paano gingasto sang Kamara ang ila pondo antes ini dal-on sa plenaryo.
Ginpamangkot man niya kun may yara bala sang layi nga nagalibre sa House of Representatives sa pagpresentar sang budget sini sa mga miyembro antes ang plenary deliberations.
Samtang, ginpahayag ni Nueva Ecija 1st District Rep. kag House Committee on Appropriations Chairperson Mikaela Angela Suansing nga may mga ahensya sang gobyerno nga wala nagaagi sa pre-plenary hearing kag direkta nga ginadala sa plenaryo.
Apang para kay Tiangco, kun wala sang probisyon nga nagadumili, dapat man ipaidalom ang budget sang Kamara sa kasubong nga proseso nga ginatuman sang iban nga ahensya.
Suno sa iya, makabulig ini sa pagpasiguro sang transparency sa paggamit sang pondo sang House of Representatives.
