Gin-alegar ni Senator Panfilo “Ping” Lacson nga nadelatar ang imbestigasyon sang Philippine Reclamation Authority (PRA) sa reclamation activities sa Taguig matapos ginalegar nga gin-pressure ni anay Senate President Alan Peter Cayetano ang mga opisyal sang ahensya sang Nobyembre 2025.
Suno kay Lacson, ginpatawag suno pa ni Cayetano ang mga opisyal sang PRA kag ginpamahog nga suspendiron ang budget deliberations sang Office of the President.
Ginpahayag ni Lacson nga liwat nga magaimbestigar ang PRA sa ginaalegar nga ilegal nga reclamation sa Taguig.
Suno man sa iya, ginkumpirma sang PRA nga wala sang reclamation permit ang Taguig City government para sa proyekto.
Kun mapamatud-an nga wala sang permit ang reclamation, posible nga ma-forfeit ang reclaimed land pabor sa national government, suno kay Lacson.
Samtang, ginpahayag niya nga yara na sa Ombudsman ang mga dokumento kag affidavits nga may kaangtanan sa ginaalegar nga anomalya sa flood control projects sa Taguig.
Angot sini, ginahulat pa ang reaksyon ni Cayetano sa mga alegasyon.
