Gindumilian sang Pilipinas ang pag-import sang mga produkto nga ginahimo paagi sa forced labor matapos pirmahan sang Department of Trade and Industry (DTI), Department of Labor and Employment (DOLE), kag Department of Finace (DOF) ang Joint Administrative Order (JAO) para mapabakod ang supply chain ethics kag maprotektahan ang lokal nga industriya.
Sa idalom sang kasuguan, magatukod sang multi-agency committee nga magaimbestigar sang mga reklamo kag makig-upod sa Bureau of Customs agod mapunggan ang pagsulod sang ilegal nga produkto.
Suno kay Trade Secretary Cristina Roque, mapabakod sini ang pagsalig sa supply chain sang Pilipinas kag mapalab-ot ang patas nga kompetisyon.
Ginpahayag naman ni Labor Secretary Francis Tolentino nga makabulig ini sa pagpanalipod sa mga mamumugon kag lokal nga negosyo batok sa mga produkto nga ginprodyus paagi sa pagpang-abuso sa trabahador.
