Nagpatuman ang Estados Unidos sang bag-o nga taripa batok sa masobra 60 ka trading partners bangud sa alegasyon nga napaslawan ini nga pugngan ang pagpasulod sang mga produkto nga ginahimo pinaagi sa forced labor.
Suno sa Office of the US Trade Representative, pagabuwisan sang 10 porsyento ang mga pungsod nga nagapatuman sang pagdumili sa forced labor imports, samtang 12.5 porsyento naman ang ipataw sa mga wala pa nagasunod.
Lakip sa naapektuhan ang United Kingdom, China, European Union, Canada, Japan, kag India.
Ginpahayag ni US Trade Representative Jamieson Greer nga kabahin ini sang pagtinguha sang administrasyon ni US President Donald Trump nga atubangon ang paglapas sa tawhanon nga kinamatarong kag indi patas nga pamaagi sa kalakalan.
Samtang, nagpahayag sang pagkadismaya ang pila ka mga pungsod, lakip ang Brazil, Japan, kag Australia, samtang ginapaabot sang mga eksperto nga posible ini magpasaka sang galastuhan sang mga negosyo kag konsumidor sa Estados Unidos.
