Nagtaliwan na ang American actress nga si Kaylee Hottle, nga nakilala sa iya papel bilang Jia sa Godzilla vs. Kong kag Godzilla x Kong: The New Empire, matapos madisgrasya ang ginsakyan nga salakyan sa Frederick, Maryland, sa edad nga 18.
Ini ginkumpirmar sang iya amay nga si Joshua Hottle paagi sa isa ka video statement sa isa ka social media platform gamit ang American Sign Language.
Suno sa Frederick County Sheriff’s Office, natabo ang single-vehicle crash sang Martes sang kaagahon sa Ijamsville.
Ginalantaw sang mga pulis nga ang excessive speed ang posible ang hiningdan sang aksidente.
Samtang, nagpahayag sang dako nga kasubo ang Texas School for the Deaf, nga gin-eskwelahan ni Hottle, kag nagpanawagan sa publiko nga respetuhon ang pribasiya sang iya pamilya kag indi magpatuyang sa mga espekulasyon may kaangtanan sa aksidente.
Angot sini, nagpalab-ot man sang pagpakasubo ang aktres kag nakatrabaho ni Hottle sa pelikula nga Millie Bobby Brown.
Sa karon, wala pa sang iban kag bug-os nga detalye angot sa haya sang aktres.
