Nagpaandam ang Iran nga magalunsyar ini sang “full-scale offensive” kun magpadayon pa ang military strikes sang Estados Unidos.
Ang pahayag ginhimo ni Mohsen Rezaei, isa ka mataas nga opisyal sang Islamic Revolutionary Guard Corps (IRGC) kag military adviser ni Supreme Leader Mojtaba Khamanei.
Suno sa state-owned media, kun magpadayon pa sang duha ukon tatlo ka adlaw ang mga pag-atake sang Amerika, magasugod na ang Iran sang mas dako nga opensiba militar.
Ginhimo ang nasambit nga pahayag matapos makumpleto sang U.S. ang ikapito nga sunod nga adlaw sang pag-atake sa Iran, samtang nagbalos man ang Iran sa mga Arab allies sang Estados Unidos.
Nagpaandam pa si Rezaei nga wala sang political border nga luwas sa ila opensiba kag ginpahayag nga dapat magbayad ang U.S. sa mga pag-atake sini sa civilian infrastructure sang Iran.
