Nagakaangay nga mapamatud-an sang Defence team ni VP Sara Duterte sa una nga articles of impeachment nga ang mga pahayag nga ginbuy-an sang bise presidente batok sa kay Pangulong Ferdinand Marcos Jr., First Lady Liza Araneta-Marcos kag Former House Speaker Representative Ferdinand Martin Romualdez indi makabig nga grave threat kag indi makabig nga betrayal of public trust nga isa ka impeacheable offence sang isa ka public official.
Ini ang ginpahayag ni Ret. Judge Lorenzo Balo- Provincial Legal Adviser sang Sultan Kudarat sa interview sang Bombo Radyo Koronadal.
Ginhatagan man sang punto sang opisyal nga masyasdo ka technical ang defence team ni VP Sara Duterte sa diin ginapadalman gid sang mga ini ang kada terms ukon mga typographical errors sa baylo nga mag diretso sa pagsabat sa pamangkot nga makabig bala nga threat ang mga pahayag sang bise presidente.
Suno sa opisyal, ginakinahanglan nga mapamatud-an sang kampo sang depensa nga ang mga pahayag nga ginbuy-an sang bise presidente ang dala lang sang “outburst of emotions” sini tungod man sa kakapoy kag sa kaakig man presidente.
Dugang pa sini dapat man nga mag atubang mismo ang bise presidente sa publiko agud nga mapamatud-an sa senate impeachment court nga ang iya nga mga pahayag indi impeacheable offence kag indi betrayal of public trust.
Gindayaw man sang opisyal ang pagka-impartial ni Presiding Officer Senator Chiz Escudero sa diin nakita sini nga maayo ang pagdumala sang senado sa impeachment court.
Sang ulihi ginganyat ni Ret. Judge Balo ang tanan nga naga tutok sa impeachment trial sang bise presidente Sara Duterte nga mangin kritikal sa paglantaw sang proseso kag indi magpadala sa anu man nga mga posts kag articles sa social media.
Nagapanawagan man ini sa tanan nga magsalig sa senate impeachement court sa pagsentinsiya kay VP Sara Duterte.
