-- ADVERTISEMENT --
Patay ang 28 ka tawo kag 71 ang napilasan, lakip ang 25 nga yara sa kritikal nga kondisyon, matapos masunog ang isa ka bar sa distrito sang Chatuchak, Thailand.
Suno sa mga saksi, naghalin ang kalayo malapit sa entablado antes ini naglapta sing madasig, nagpalong sang suga kag nagpuno sang aso ang sulod sang establisemento.
Kadam-an sa mga biktima nasapwan sa banyo, sa diin nagpanago sila sa tion sang sunog.
Sa inisyal nga imbestigasyon, ginapatihan nga posible nga electrical short circuit sa air conditioner ang gintunaan sang sunog, apang padayon pa ang imbestigasyon sang mga awtoridad.
Samtang, nagpromisa ang gobyerno sang Thailand sang masunod nga imbestigasyon agud mahibaluan ang eksakto nga hinungdan sang trahedya.
