Ano ang mahimo sang isa ka upos sang sigarilyo, paper cup, ukon plastic wrapper halin sa guwa sang isa ka sikat nga kasal?
Para sa New York-based artist nga si Justin Gignac, mahimo ini mangin isa ka espesyal nga handumanan para sa mga fans.
Ginhimo ni Gignac nga collectible artwork ang mga basura nga iya nakolekta sa guwa sang venue sang kasal nanday Taylor Swift kag Travis Kelce sang Hulyo 3.
Ginbutang niya ini sa magagmay nga airtight plastic cubes kag ginbaligya bilang mga memorabilia.
Lakip sa iya nakolekta ang mga upos sang sigarilyo, paper cup, plastic straw, candy wrapper, plastic bag kag iban pa nga basura nga nabilin sa palibot sang venue.
Suno kay Gignac, wala siya nakakuha sang bisan ano sa sulod sang venue bangud wala siya imbitaha sa kasal.
Sa guwa lamang siya nagkuha sang mga basura nga iya gintransform bilang artwork.
