Ginsentensyahan sang kamatayon sang korte sa eastern China ang anay lokal nga opisyal nga si Yang Youlin bangud sa lapnagon nga korapsyon.
Suno sa Changzhou Intermediate People’s Court, nagbaton si Yang nagbaton sang mga suhol nga nagalab-ot sa 2.21 bilyon yuan ukon mga P20 bilyon halin 1993 tubtob 2023 samtang isa sia ka opisyal sa Nanjing, Jiangsu Province.
Magluwas sa pagsuhol, napamatud-an man sia nga nakasala sa pagpang-agaw, pag-abuso sa pundo sang publiko, pag-abuso sa gahom, kag money laundering.
Ginmando sang korte nga kumpiskaron ang iya mga pagkabutang kag bawion ang kuwarta nga iya nakuha sa ilegal nga paagi.
Ang kaso ni Yang kabahin sang kampanya sang gobyerno sang China batok sa korapsyon.
Pila ka mga opisyal ang napamatbatan sa kaanggid nga mga kaso, lakip na si Lai Xiaomin sang 2021 kag si Li Jianping sang 2024.
