Pormal nga magaumpisa subong nga Lunes, Hulyo 6, ang impeachment trial batok kay Vice President Sara Duterte matapos magconvene ang Senado bilang impeachment court, nga nagmarka sang maragtasa nga hitabo bangud siya ang una nga bise presidente sa Pilipinas nga nagaatubang sang sini nga sahi sang hearing.
Atubangon ni Duterte ang apat ka articles of impeachment nga nagalakip sang mga alegasyon sang indi husto nga pagusar sang confidential funds, unexplained wealth, bribery, kag pagpamahog batok sa pila ka mataas nga opisyal sang gobyerno lakip sanday Pangulong Ferdinand Marcos Jr., First Lady Liza Araneta-Marcos, kag anay House Speaker Martin Romualdez.
Sa idalom sang Senate rules, igo na ang conviction sa isa ka article agud makakas ang bise presidente sa puwesto.
Naka-talana ang hearing halin Lunes tubtob Miyerkules, alas 2 sang hapon.
Sa una nga adlaw sang hearing, tutukan ang opening statements sang prosekusyon kag depensa, samtang sa masunod nga mga adlaw igapadayun ang presentasyon sang ebidensya kag hearing sang mga testigo, nga mahimo magpadayon sa Hulyo 7 kag 8.
Pagamunuan ni Si Senate President Sherwin Gatchalian ang hearing bilang presiding officer sang impeachment court, sa pihak sa mga kwestyon kag pagduha-duha sa iya bilang indi isa ka abogado.
Suno sa iya, ang mandato sang Senate rules amo nga ang Senate President ang magdumala sang proseso.
Nagasunod ang nasambit nga hearing sa pila ka maragatas nga kaso sa Pilipinas, kasunod sa hearing ni anay Pangulong Joseph “Erap” Estrada sang 2001 kag ni anay Chief Justice Renato Corona sang 2012.
