Ginpakamalot ni House impeachment trial spokesperson kag Kabataan Party-list Rep. Renee Co ang pre-trial brief ni Vice President Sara Duterte sa iya impeachment case, nga iya gintawag nga “tunog lata” bangud suno sa iya kulang ini sa klaro nga sabat sa mga alegasyon batok sa bise presidente.
Suno kay Co, sa baylo nga maghatag sang detalyado nga pagpaathag bahin sa mga isyu kasubong sang alegasyon angot sa sala nga paggamit sang confidential funds, indi maathag nga mga manggad, alegasyon sang korapsyon, kag mga pamahog batok sa mataas nga opisyal sang gobyerno, puro pagdumili lang suno pa ang yara sa depensa ni Duterte.
Ginpahayag ni Co nga kinahanglan maghatag sang klaro nga sabat si Vice President Duterte sa mga alegasyon nga ginatubang niya sa impeachment proceedings.
Samtang, ang kampo ni Duterte padayon nga nagadepensa sa iya posisyon kag nagapahayag nga ang mga alegasyon batok sa iya wala sang igo nga basihan.
