Ginpanginwala ni Miss Universe Philippines 2022 Celeste Cortesi ang nagalapta nga mga huring-huring nga nagbulagay na sila sang iya nobyo nga British tech entrepreneur nga si Jonathan Sterling matapos nagguwa ang mga pahayag nga may kaangtanan ini suno pa sa isa ka anay nga beauty queen.
Ginpakigbahin ni Cortesi sang ila laragway ni Sterling kag ginpahayag niya nga maayo kag masadya ang ila relasyon.
Suno kay Cortesi, nakatutok sila subong sa ila nagadako nga pamilya kag sa pag-atipan sang ila palaabuton nga bata nga si Sergio, nga ginsunod ang ngalan suno sa napatay nga amay sang beauty queen.
Dugang pa niya, mas importante nga tutukan ang kaayuhan sang ila pamilya, labi na nga may bata nga mahimo nga maapektuhan sang isyu.
Antes sini, may mga huring huring nga nagasiling nga ginbayaan suno ni Sterling si Cortesi para sa aktres kag anay nga beauty queen nga si Bianca Manalo.
Apang gilayon ini nga ginpanginwala sang talent agency ni Bianca.
Suno sa ila, wala sang kamatuoran ang nagalapta nga mga balita kag padayon nga single si Manalo.
Ginpaathag man sang kampo sang aktres nga wala siya sang ano man nga kaangtanan sa bisan ano nga isyu bahin sa relasyon sang duha.
Madumduman nga si Manalo ang anay nga nakarelasyon ni Senate President Pro Tempore Sherwin Gatchalian.
