Ginpahayag ni U.S. President Donald Trump nga napatay sa isa ka military strike sang Estados Unidos si Hector Rusthenford Guerrero Flores ukon “Niño Guerrero,” ang lider sang Venezuelan prison gang nga Tren de Aragua.
Suno kay Trump, ginpatigayon sang United States Southern Command ang paspas kag koordinado nga operasyon kaupod ang mga otoridad sang Venezuela.
Ginkumpirmar man ni Defense Secretary Pete Hegseth nga napatay si Guerrero sa nasambit nga opensiba.
Suno naman sa information ministry sang Venezuela, may natabo nga engkwentro sa mga miyembro sang mga kriminal nga grupo, kag napatay si Guerrero sa operasyon nga ginpatigayon paagi sa intelligence sharing kag specialized technology sang duha ka pungsod.
Matagal na nga ginpatawan sang US sanctions si Guerrero kag iban pa nga lider sang Tren de Aragua bangud sang alegasyon may kaangtanan sa drug trafficking, human trafficking, kag money laundering.
Ginakabig man sang United States Department of State ang grupo bilang foreign terrorist organization.
Madumduman nga naka-eskapo si Guerrero halin sa Tocorón prison sa Venezuela sang 2023 upod ang iban pa nga lider sang grupo.
