Ginhingyo sang US pop star Ariana Grande sa White House nga indi pagusaron ang iya mga kanta.
Kasunod ini sa pagusar sang White House sa kanta sini sa promosyon sang ila immigration policies.
Ang kanta nga “Bye” ni Ariana ang nagsikat sang 2024 ang ginusar nga soundtrack ni Us President Donald Trump.
Nag-komento pa si Grande sa social media post sang White House kun sa diin indi dapat ini gamuton sa bisan ano nga sahi sang indi pagrespeto sang iya mga kanta kasubong sang barbaric, indi makatawo kag madug-on nga insidente.
Gindepensahan man ni White House spokesperson Abigail Jackson nga ang matuod-tuod nga barbaric, indi makatawo, kag madug-on nga butang ang mga iligal aliens nga nagahimo sang mga krimen kun sa diin nagaagom sang pagkapilas ukon pagkautas sang kabuhi sang mga inosente nga Amerikano, apang wala ginsabat sang spokesperson ang pag-alma ni Grande angot sa pagusar sang White House sa iya mga kanta.
