Ginatinguhaan sang Estados Unidos nga matapos ang isa ka pader sa dulunan sini sa Mexico sa katapusan sang 2027.
Suno kay CBP Commissioner Rodney Scott, pagatukuron ang pader halin sa San Diego pakadto sa Gulf of Mexico agud makabulig sa pagtapna sang iligal nga pagsulod sang mga tawo kag pagpalusot sang droga.
Apang may pila ka mga lugar nga indi matabunan sang pader, lakip na ang Big Bend National Park, bangud sa matapan kag mabudlay nga lokasyon sini.
Magluwas sa pader, ang gobyerno magabutang man sang moderno nga mga sistema sa pagbantay kag iban pa nga teknolohiya sa dulunan sa tuig 2028.
Suno pa kay Scott nga ang pader sa dulunan importante, apang indi ini bastante agud lubos nga matapna ang krimen bangud ang mga sindikato nagagamit man sang mga tanel kag mga drone para sa ila ilegal nga mga operasyon.
