Nagkigpulong sa Washington, D.C. si Department of Foreign Affairs (DFA) Sec. Ma. Theresa Lazaro kag si United Stated Secretary Marco Rubio agud talakayon ang pagpalapad sang relasyon pang-ekonomiya sang Pilipinas kag Estados Unidos, partikular paagi sa Luzon Economic Corridor (LEC).
Ang LEC isa ka trilateral nga proyekto sang Pilipinas, Estados Unidos, kag Japan nga ginatuyo maghimo sang isa ka dako nga economic hub nga mahimo mangin lokasyon sang industrial AI development sa palaabuton.
Ginpabaskog ni Rubio ang suporta sang Estados Unidos sa proyekto kag ang pag-usisa sang mga solusyon sa enerhiya kag iban pa nga hagit sa rehiyon, samtang ginpahayag man niya ang importansya sang lig-on nga alyansa sang duha ka pungsod.
Ginpabutyag naman ni Lazaro nga ang ila paghinun-anon nagpokus sa pagpalig-on sang diplomasyang pang-ekonomiya, maritime cooperation, kag sa pagmintinar sang kalinong sa rehiyon paagi sa diplomatiko nga aspeto.
Ginpahayag man sang duha ka pungsod ang padayon nga kooperasyon samtang nagapalapit ang pagselebrar sang ika-80 nga tuig sang diplomatiko nga relasyon kag ika-75 nga tuig sang ila alyansa sa 2026.
