Opisyal na nga ginhingyo sang Philippine National Police (PNP) ang pagsuspende sang permits sang mga yara sa 100 ka armas-luthang nga narehistro sa pangalan ni Senador Ronald dela Rosa.
Suno kay NBI Director Melvin Matibag, upod sa ginarekomendar nga iparevoke ang mga mabug-at nga klase sang armas lakip na ang automatic rifles kag shotgun.
Sa pihak nga bahin, ginpahayag ni Justice Secretary Frederick Vida nga ginapaabot nga madali na lang ma-revoke ang lisensiya sang armas sang senador.
Nauna na nga ginakonsiderar nga ‘armed and dangerous’ si dela Rosa sa tunga sang padayon nga operasyon sang mga otoridad, matapos ini magpalagyo sa Senado kag madula sa protective custody sang kongreso.
Ini ang nagakatabo sa tunga sang iya paglikaw sa arrest warrant sang International Criminal Court (ICC) nga gin-isyu bangud sang gina-alegar nga nangin papel sini sa war on drugs sang administrasyong Duterte.
