Liwat nga ginasugata sang bag-o nga pagtaas sang presyo sang produkto nga petrolyo ang mga motorista, epektibo subong nga adlaw Mayo 26.
Suno sa Department of Energy (DOE), ang mga masunod nga presyo sang produkto nga petrolyo ang magataas kada litro: Diesel: P1.96 kada litro, Gasolina: P1.60 kada litro, Kerosene: P1.45 kada litro.
Ang pagsaka sang presyo sang produkto nga petrolyo bangud sa hugot nga suplay sa pangkalibutanon nga merkado sang petrolyo, samtang ang pila ka suplay gikan sa Asya mahimo nga isaylo sa iban nga rehiyon bangud sa pagnubo sang produksyon sa Europa.
Sang nagligad nga semana, madumduman nga nagsaka man sang P1.21 kada litro ang presyo sang gasolina kag P2.82 ang diesel, samtang nagnubo naman sang P2.11 ang kerosene.
Bangud sini, ang gasolina ang naglab-ot sa net increase nga P48.12 kada litro humalin sang pagsugod sang tuig, P44.84 para sa diesel, kag P39.05 para sa kerosene.
Suno sa DOE, magalab-ot sa 44.82 days ang kabug-usan nga fuel inventory sang pungsod nga mas manubo sang gamay kun ipaanggid sa 45.33 days sang nagligad nga semana.
