Padayon ang ginhiwat nga pagbantay ukon ‘monitoring’ sang National Bureau of Investigation (NBI) sa nahamtangan ni Senador Bato Dela Rosa.
Ginkumpirmar mismo ni Dir. Atty. Melvin Matibag nga ila ginasubaybayan ang lokasyon sang mamalidha matapos ini nga nagbiya gikan sa kustodiya sang Senado.
Suno sa iya nga mandato ini nila bilang tagpatuman sang kasuguan gani ginapangita sang mga tinawo ang nasambit nga mamalidha.
Ginsambit ni NBI Chief Matibag nga ang ‘monitoring’ sa lokasyon ni Sen. Bato santu sa arrest warrant nga gin-isyu sang International Criminal Court.
Ginpakigbahin pa ni Dir. Matibag nga may yara na sila sang mga impormasyon nga ginasundan sa posible nga nahamtangan ni Sen. Bato Dela Rosa.
Apang indi ini mahayag sa publiko sa karon bilang bahin sa proseso sang ila operasyon.
Madumduman nga ginmandu ni Department of Justice Secretary Fredderick Vida nga arestuhon ang mamalidha pananglitan nga magtuyo ini nga maggwa sa pungsod.
Apang gin-athag nga wala sang direktiba para manduan ang mga otoridad nga pangitaon ang sigurado nga nahamtangan tungod ginahulat sa gihapon ang resolusyon sang Korte Suprema sa mga nabilin nga petisyon.
