Ginkakibot sang fans kag netizens matapos ginbuyagyag sang aktres nga si Kaye Abad nga nalampuwasan na niya ang iya pagpakigbato sa breast cancer.
Nagtuga sang kakibot ang rebelasyon ni Abad sa iya fans bangud wala ini naghatag sang bisan ank nga senyes may kaangtanan sa iya kondisyon.
Suno sa aktres, na-umpisa ang tanan sang makaeksperyensya siya sang tuman ka pagpanakit sang tiyan nga ginpatihan niya nga simple ka acidity lang.
Sang magpakonsulta siya sa doktor, natukiban nga may yara siya aanv gallstones kag kinahanglan ini nga operahan.
Matapos ang operasyon, gindekomendar sa iya nga magpaidalom sa mammogram bangud sa iya edad.
Bangud sini, nadiskubre ang isa ka malignant ukon cancerous tumor sa iya dughan.
Nagpaidalom ang aktres sang pagbulong sa Singapore upod ang iya bana nga si Paul Jake Castillo.
Samtang magapaidalom sa pagbulong, temporaryo nga gin-atipan sang mga himata sang aktres kag ni Castillo ang ila duha ka kabataan.
Suno kay Kaye, nangin inspirasyon niya ang iya pagtuo sa Mahal nga Makaako kag suporta sang iya pamilya.
Sa kasamtangan, masinadyahon nga gin-anunsyar sang aktres nga cancer-free na siya.
