Ginpasiguro sang Philippine National Police nga wala sing ihibalo ukon paghatag sang espesyal nga pagtratar sa pagserbi sang warrant of arrest sang International Criminal Court batok kay Senador Ronald dela Rosa.
Suno kay PNP Chief PGen. Jose Melencio Nartatez Jr., bisan pa anay hepe sang PNP ang senador, ipatuman gihapon sang kapulisan ang ila mandato nga wala sang kahadlok kag wala sang paboritismo.
Ginpasiguro man niya nga ang PNP padayon nga nagapreparar sang ila mga pwersa agud mapabakod ang pagpatuman sang layi kag mahatagan hustisya ang proseso.
Dugang pa sang PNP, nagahatag sila sang mabaskog nga koordinasyon sa Department of Justice kag iban pang law enforcement agencies agud masiguro nga husto kag insakto ang implementasyon sang legal nga proseso.
