Ginpabutyag ni Senator Ronald Bato Dela Rosa, nga handa ang iya hanay, nga himuon ang tanan nga paagi, agud mapunggan ang pagdala sa iya sa International Criminal Court ukon ICC, sa The Hague, Netherlands, sa diin detenado na ang anay pangulo sang Pilipinas, nga si Rodrigo Duterte.
Isa si Dela Rosa sa mga akusado, sa madamu nga pagkalamatay sang mga drug suspects sa drug war, sa idalum sang administrasyon ni anay pangulo Rodrigo Duterte.
Ang nasambit nga senador amo ang pinuno sang PNP sa Duterte administration.
Suno kay Dela Rosa, nag “file” na ang iya kampo sang bag-o nga manifestation sa Korte Suprema, para sa judicial protection.
Sa karon, ginahulat na lamang sang senador ang desisyon sang Supreme Court.
Samtang nagahulat sang desisyon sang Korte Suprema, ginpalayag man ni Dela Rosa, ma attend siya sa mga session sa Senado.
