Ginalauman nga ma-impeach sang Kamara si VP Sara Duterte sa sulod sang duha ka semana suno kay Bicol Saro party-list Rep. Terry Ridon.
Kumpiyansa suno sa iya ang House Committee on Justice nga makuha ang minimum nga 106 ka boto matapos magdeklarar sang probable cause batuk sa bise presidente sa tatlo ka clarificatory hearing.
Kun ma-aprubahan ang committee report, igasumiter ini sa plenaryo kun sa diin may yara sang debate antes ang final vote, kag kun mapasar, gilayon ini nga ipasa sa Senado para sa impeachment trial.
Ginpahayag ni Ridon nga lakip sa ginatan-aw nga mga ebidensya amo ang gina-alegar misususe sang confidential funds, P448M nga ginbalik nga pondo, P6.77B nga transaksyon nga gin-flag sang Anti-Money Laundering Council, kag bisan pa ang gina-alegar nga pagpamahog batok kay Presidente Ferdinand Marcos Jr.
Dugang pa niya nga ang target indi lamang 106 ka boto kundi posible nga maglab-ot sa 215 agud ipakita ang mabaskog nga suporta sang Kamara sa impeachment.
Samtang, ginpahayag ni Rep. Gerville Luistro nga sanday Rep. Leila de Lima, Rep. Chel Diokno, kag iban pa nga mga mamalidha nga maga-atubang sa Senado sa tion nga mag-umpisa na ang trial ang kalakip sa mahimo magporma sang prosecution panel.
