Ginlauman nga may isa tubtob duha ka tropical cyclone nga magsulod sa Philippine Area of Responsibility sini nga Mayo, suno sa weather bureau.
Kadam-an sa mga bagyo sa sini nga bulan nagarecurve ukon nagaliko sang direksyon, gani indi masami direkta nagaigo sa pungsod, apisar may yara nga nagaagi sa Central Philippines kun sa diin ang masunod nga ngalan sang bagyo amo sanday Caloy kag Domeng.
Padayon man ang mainit kag mala nga panahon tubtob sa una nga katunga sang Mayo, nga mahimo maglab-ot sa sobra 40°C ang init sa pila ka bahin sang Luzon.
Ginapaabot man ang talagsan nga pag-ulan sa Metro Manila kag Northern kag Central Luzon, samtang mas mataas sa normal ang ulan sa pila ka lugar sa Visayas kag Mindanao.
Nagpagwa man sang El Niño alert ang ahensya bangud sa mataas nga tsansa nga mabatyagan ini sa tunga sang Mayo tubtob Agosto.
Posible man nga magnubo ang numero sang bagyo apang mas mabaskog ini, samtang, ginapaabot nga maglawig ang El Niño tubtob sa una nga bahin sang 2027.
