Ginkumpirmar sang security sources nga napatay si Mali Defence Minister General Sadio Camara sa koordinado nga mga pag-atake sa military sites sa bug-os nga pungsod.
Nagluntad ang pag-atake sang Domingo, upod ang pag-atake sa iya puluy-an sa Kati nga isa ka militarisado nga lugar malapit sa Bamako.
Ginapatihan nga ginpatigayon ini sang al-Qaeda-linked Jama’at Nusrat al-Islam wal-Muslimin (JNIM) and Tuareg rebels from the Azawad Liberation Front (FLA) kun sa diin nahibaluan nga suicide car bomb ang gin-usar sa pag-atake.
Kilala si Camara nga lider sang military junta nga nagkuha sang gahum matapos ang coups sang 2020 kag 2021.
Ginakabig ang iya kamatayon nga dako nga kawad-an sa armado nga pwersa sang Mali.
Samtang, nagpatigayon man sang koordinado nga pag-atake sa Bamako, Gao, Kidal, kag Sevare, kag may nagapadayon pa nga kinagamo sa pila ka lugar.
Samtang, luwas si Interim President Assimi Goita sa katalagman kag gilayon nga gin-evacuate sa secure location.
Sa pihak nga bahin, mabaskog man nga ginpakamlaot sang African Union kag iban pa nga internasyonal nga organisasyon ang mga nasambit nga pag-atake sa Mali.//
