Nagpasang-at si Yasmine Vargas sang 20 ka cyberlibel complaints batok sa pila ka indibidwal bangud sa gina-alegar nga pagpalapta sang sala nga impormasyon sa social media posts batok sa iya kag sa iya pamilya.
Suno sa iya, indi na siya magpahipos agod maproteheran ang iya mga kabataan halin sa bullying kag sala nga akusasyon.
Antes sini, gintinguhaan pa nila nga solbaron ini sang Pebrero, apang nagpadayon gihapon ang mga post.
Ang mga kaso, suno sa iya, may ebidensya kag nag-agi sa husto nga proseso.
Nauna man nga nagreklamo sila sang iya bana nga si Alfred Vargas batok sa ginikanan sang isa ka menor de edad nga gina-alegar nga imbolbado sa bullying.
Sa pihak nga bahin, ginpanginwala naman sang kampo ni Rob Sy ang alegasyon kag nagpahayag nga preparado sila mag-atubang sa kaso angot sa gina-alegar nga isyu sang bullying kag pagpalapta sang sala nga impormasyon.
Bangud sini, nagpanawagan man si Vargas sa publiko nga maglikaw sa pagpangguba kag mapintas nga mga pulong online, kag ginpanindugan nga wala sang lugar ang bullying sa komunidad.
