Nagalaum ang isa ka OFW sa pungsod Bahrain nga mgapadayon na ang kalinong sang sitwasyon sa pungsod matapos nga ceasefire deal.
Sa interview sang Bombo Radyo Koronadal kay Cecil Provido – Bombo International News Correspondent to Bahrain, iya ginpahayag nga mas malinong na ang kahimtangan kumpara sa mga nagligad nga semana, kag wala na sang mga missile attacks nga nagahatag sang kabalaka sa mga pumuluyo kag mga overseas Filipino workers (OFWs) nga naga-estar sa lugar.
Apang, ginpabutyag ni Provido nga indi pa sigurado nga permanente ang kalinong, bangud ang ginpatuman nga ceadefire ginpahamtang lang tubtob Abril 21.
Suno sa iya, ini ang kritikal nga petsa nga dapat bantayan bangud amo ang adlaw nga mabalaan kun magapadayon ang kasugtanan ukon magabalik ang tensyon sa rehiyon.
Sa karon nagagpabilin nga online kag face-to-face classes sa Bahrain nga nagapakita sang pagpaniguro sa seguridad sang mga estudyante kag sang mga manunudlo.
Dugang pa ni Provido, nga nagabalik na sa normal ang operasyon sang mga negosyo kag obra kag sa karon ginbuksan na liwat ang mga airport, nga nagahatag oportunidad para sa biyahe kag turismo.
Suno pa kay Provido, apisar nga nagsaka ang presyo sang gatong, ini tubtob lang sa P20.
Bangud sini, dako man ang pagpasalamat ni Provido sa embahada sang Bahrain bangud padayon ang suporta nga ginahatag nila sa mga Pilipino nga yara sa tunga sang kinagamo sa Middle East.
