Hugot nga ginapangayo sang isa ka tricycle driver sa syudad sang Koronadal ang dugang pagsaka sang pamasahe agud mahagan-hagan man ang epekto sang presyo sang gatong.
Ini ang nangin pahayag ni Morato Onsok – Tricycle driver, sa interview sang Bombo Radyo Koronadal.
Suno kay Onsok, mabudlay sa bahin nila ng mga drayber nga padayon nga nagasaka ang presyo sag gatong kag baraklon apang wala man nagasaka ang pamasahe.
Ginpabutyag niya nga halos indi na sila makabakal sang bugas para sa ila pamilya bangud nagakadto na lang sa gatong ang kita nila sa kada adlaw bangud sa tuman ka mahal sini.
Bangud sini, nagapanawagan siya sa gobyerno nga kuntani makit-an man ang sitwasyon sang kasubong niya nga yara sa sektor sang transportasyon bangud indi madali ang giapangatubang nila nga krisis sa gatong.
