Gin-usisa sang Philippine National Police (PNP) ang kabug-usan nga pag-obserbar sang Holy Week Exodus subong nga tuig bilang matawhay kag malinong.
Suno kay PNP Chief PGen. Jose Melencio Nartatez Jr., wala sang may narekord nga dalagko nga insidente nga nakaapekto sa kabug-usan nga pag-obserbar sang Lenten Season.
Suno sa iya, ang prayoridad sang mga pulis amo ang luwas nga pagbalik sang mga nagabiyahe pagkatapos sang masobra isa ka semana nga pagpamalandong.
Kaangot sini, gin-anunsyo ni Nartatez nga bilang pagpakita sang ila commitment sa safety and order, magapabilin nga naka-deploy ang halos 98,000 ka mga miyembro sang PNP sa nagkalain-lain nga lugar.
Gin-deploy ini sa nagkalain-lain nga tourist spots sa pungsod, mga transportation hub kag bisan sa mga mayor nga dalan.
Matapos sini, liwat nga ginpahanumdom sang hepe ang mga motorista nga magpabilin nga kalmado sa ila tagsa ka biyahe kag likawan ang paglapta sang road rage incidents.
Samtang, magapabilin naman nga mataas ang alert level sang National Police agud masiguro nga matawhay kag mataw hay ang byahe sang mga pasahero kag makapauli sila nga hilway sa katalagman.
