Nakatalana nga magpaguwa ang Appeals Chamber sang International Criminal Court (ICC) bahin sang desisyon ukon may jurisdiksyon ang anag Presidente Rodrigo Duterte sa kaso nga crime against humanity sa Abril 22, alas-5 sang hapon, oras sa Pilipinas.
Nag-apela ang legal team ni Duterte batok sa desisyon sang Pre-Trial Chamber I nga nagpahanugot sa ICC prosecutor nga ipadayon ang imbestigasyon sa mga alegasyon sang gina-alegar nga malapnagon nga pagpatay sa idalom sang drug war sang administrasyon ni Duterte.
Ginpahayag sang kampo ni Duterte nga wala na sang otoridad ang ICC tungod kay nag-withdraw na ang Pilipinas sa Rome Statute sang 2019, nga amo ang nagpahamtang sang hurisdiksyon sa ICC.
Ang desisyon sang ICC magahatag sang klaro nga pagtan-aw sa mga isyu sa hurisdiksyon sang korte, labi na sa mga pungsod nga nag-withdraw sa Rome Statute.
