Preprado na ang Yellow Bus Inc. sa pagdagsa sang mga pasahero nga magapauli sa ila mga probinsya sa suboong nga Semana Santa.
Ini ang nangin pahayag ni Bernard Bolanio – Operation Manager sang YBL Inc., sa interview sang Bombo Radyo Koronadal.
Suno kay Bolanio, nakaprepar na ang mga units sang ila nga bus agud maakomodar kag masustiner ang pagdagsa sang mga pasahero subong nga semana.
Gindugang pa ni Bolanio nga hugot man nila ginapatuman ang istrikto nga segurity sa ila sulod sang terminal pinaagi sa pagchekyar sang mga kagamitan sang kada pasahero nga magasulod sa nasambit nga terminal.
Bangud sini, ginapanawagan man ni Bolanio sa mga pasahero nga indi magduha duha sa pagreport sa ila talatapan ang bisan ano nga makaduluda nga mga aksyun agud gilayon nga maaksyunan sang mga otoridad.
