Malapit na madula sa Play-In Tournament ang Golden State Warriors matapos liwat malutos sa kamot sang top team sa Eastern Conference nga Detroit Pistons, suno sa online news portal.
Nakuha sang Pistons ang 115-101 nga kadalag-an batok sa GSW bisan pa nga wala naghampang ang ila star player nga si Cade Cunningham.
Wala nakabawi ang Warriors sa mabaskog nga opensa sang Pistons, labi na nga indi epektibo ang defensive anchor sang koponan nga si Draymond Green.
Sa sulod sang 22 minutos ni Green sa hardcourt, duha lang ka beses siya nagtinguha magpasulod sang field goal—kag pareho nga mintis.
Naghatag lang siya sa paghampang sang 2022 NBA champion sang 5 ka rebounds, 6 ka assists, isa ka steal, kag isa ka block.
Sa pihak nga bahin, nanguna sa kadalag-an sang Detroit ang bag-o nga sentro nga si Jalen Duren.
Nakakuha siya sang 23 ka puntos halin sa walo ka field goals kag pito ka free throws.
Sa skaron, ang Warriors yara sa ika-10 nga puwesto sa Western Conference—ang pinakaulihi nga spot para sa Play-In Tournament—antes magsugod ang Playoffs sa katapusan sang Abril.
