Nagpahayag ang gobyerno sang Pilipinas nga makig-kooperar ini sa talatapanan sang United States Trade Representative (USTR) sa ginahimo subong nga imbestigasyon bahin sa ginatawag nga unfair trade practices, lakip na ang ginapahayag nga pag-usar sang forced labor, sa 60 ka ekonomiya lakip ang Pilipinas.
Suno kay Trade Secretary Cristina Roque, ginabantayan sang Pilipinas ang padayon nga Section 301 investigations nga ginlunsyar sang United States batok sa 60 ka ekonomiya kag aktibo ini nga makigbahin sa imbestigasyon agud masabat ang mga kabalaka sang US.
Suno naman sa USTR, nagsugod na ang ikaduha nga serye sang Section 301 probes sa 60 ka ekonomiya may kaangtanan sa gina-alegar nga kakulangan sang pila ka mga pungsod sa pagpugong sang pag-usar sang forced labor sa paghimo sang mga produkto.
Ang mga imbestigasyon magahibalo kun ang mga gobyerno sang iban nga pungsod nagahimo sang bastante nga mga tikang agud dumilian ang pag-angkat sang mga produkto nga gin-ubra paagi sa forced labor, kag kun paano nakaapekto sa mga mangunguma kag negosyo sang US ang kakulangan sa pag-tapna sa sini nga praktis.
Lakip sa listahan sang 60 ka pungsod kag ekonomiya ang pila ka importante nga ka-partner kag kaalyado sang US kasubong sang Australia, Canada, European Union, United Kingdom, Israel, India, Qatar, kag Saudi Arabia sa diin lakip man asa listahan man ang China kag Russia.
