Nagapakig-ugnayan na ang Embahada sang Pilipinas sa Washington, D.C. sa gobyerno sang United States sa tunga sang hulga sang posible nga pag-atake sang Iran sa California.
Ginkumpirmar ini ni Philippine Ambassador to the US Jose Manuel Romualdez.
Ginhambal ini sang envoy kasunod sang report sang international media, kun sa diin ginpahayag sang Federal Bureau of Investigation sa isa ka report sang Pebrero 2026 nga nagaplano ang Iran nga maghimo sang surprise attack batok sa wala ginpangalanan nga mga target sa California kun maglunsar sang strikes ang United States batok sa Iran.
Sang Miyerkules, nagpaandam man ang Federal Bureau of Investigation sa mga pulis sa California may kaangtanan sa posible nga mga pag-atake.
Samtang, suno sa Los Angeles County Sheriff’s Department, naka-heightened alert na sila halin sang nagluntad ang kaguluhan sa Middle East.
