Ginbalewala sang National Bureau of Investigation (NBI) ang pahayag sang 18 ka marino nga naggamit sila sang air taxi flight para magdeliver sang maleta nga may kwarta sa balay ni Pangulong Ferdinand Marcos Jr. sa Ilocos Norte.
Suno kay NBI chief Atty. Melvin Matibag, wala sila sang may nakuha nga flight logs nga makapamatuod nga nagdeliver si anay Ako Bicol Partylist Rep. Zaldy Co sang kwarta.
Halinsang 2023 tubtob 2025, gin-usisa sang NBI ang mga flight record kag wala sila sang may nakita nga bisan ano nga flight nga ginlakipan ni Co kag pila pa ka mga opisyal.
Mas una nga nagpahayag si Sgt. Belnard Tube nga gindala siya ni Co sa pagbiyahe pakadto sa Ilocos Norte agud ideliver ang maleta nga may kwarta sa pangulo.
Ang NBI amo ang ginbutang nga mangin responsable sa pag-imbestigar sang mga ginpahayag sang 18 ka marines nga nagasiling nga may mga maleta sang kwarta nga ila ginhatag sa nagkalain-lain nga mga opisyal sang gobyerno lakip na si Pangulong Ferdinand Marcos Jr.
