Nakahanda ang Pilipinas nga palaparon ang pakigbinuligay sa iban pa nga mga pungsod, labi na sa mga sakop sang Global South, suno kay Pangulong Ferdinand Marcos Jr. sa iya talumpati sa UN General Assembly.
Suno sa Pangulo, maibahagi sang Pilipinas ang iya kasanayan sa healthcare education, migration governance, kag Technical Vocational Education and Training (TVET) agud makabulig sa iban nga pungsod, partikular sa Small Island Developing States, Least Developed Countries, Landlocked Developing Countries, kag mga pungsod sa Africa.
Binigyang-diin ni Pangulong Marcos nga bilang aktibo nga miyembro sang G-77 kag China, nakikiisa ang Pilipinas sa mga isyu pareho sang financing for development, food kag water security, kag ang implementasyon sang 2030 Agenda.
Gin-dugang pa niya nga bilang chair sang Like-Minded Group of Middle Income Countries, nagatuo ang Pilipinas nga dapat mas matutukan sang UN Development System ang kinahanglanon sang mga middle-income countries, nga nagalakip sang dako nga bahin sang populasyon kag mga pobre sa bug-os nga kalibutan.
Ipinahayag man ni Pangulong Marcos nga suportado sang Pilipinas ang panawagan sang mga pungsod sa Africa para sa reporma sa global governance, lakip na ang pagkahamtang sang permanenteng representante sang Africa sa United Nations Security Council.
Sunod sa Pangulo, bilang kapwa umuunlad nga pungsod, nakikiisa ang Pilipinas sa pagpabakod sang boses sang Africa sa pagbag-o sang mga multilateral nga institusyon agud mas mangin angay ini sa realidad sang ika-21 nga siglo.
