Ginpahayag sang isa ka tysikol driver sa syudad sang Koronadal nga kahibalo na sila nga magasaka ang presyo sang gatong bangud sa padayon nga tensyon sa Middle East.
Sa interview sang Bombo Radyo Koronadal kay Manong Elmer, isa ka Trisikol driver sa syudad sang Koronadal.
Ginpahayag ni Elmer, nga kuntani mabatyagan sang mga lideres sa mga pungsod sang Israel, US kag iban pa ang kabudlay kag dala nga halit sang ila nga ginhimo nga kaginamo.
Dugang pa kay Elmer, nga kuntani mahimo man nga magsaka ang mga pamasahe sa sydudad sang Koronadal bangud sa nagataas nga presyo sang gatong .
Gindugang pa ni Elmer, nga magahimo pa sang pamaagi ang City government upod ang iban pa nga mag lokal nag gobyerno agud masulosyonan ang problema sang mga katawahan sa syudad sang Koronadal lakip na ang mga luyag ipaabot sang mga motorista.
Nagpanawagan naman si Elmer nga kuntani ma untat na ang kaginamo sa mga apektado nag pungsod agud indi na mag dugang ang mga numero sang mga biktima nga na utas ang kabuhi bangud sa nagapadayon nga gira sa nasambit nga mga pungsod.
