Ginpahayag ni Levi Baligod nga masusi niya nga ginreview ang affidavit sang mga retirado nga suladado nga iya gin-updan sa isa ka press conference.
Gin-akusaran sang mga nagpakilala nga retirado nga suladado nga may gin-alegar nga suhulan halin sa kampo ni anay kongresista nga si Zaldy Co pakadto sa pila ka mga pulitiko kag mga katapo sang International Criminal Court (ICC) may kaangtanan sa imbestigasyon sang drug war.
Suno kay Baligod, personal niya nga gin-usisa ang mga affidavit matapos siya mapakilala sa mga anay security personnel ni Co, lakip si retired Marine Sgt. Orly Guteza nga nagguwa man sa isa ka hearing sang Senate Blue Ribbon Committee.
Ginpaathag sang abogado nga ginpili niya anay nga ipaguwa sa publiko ang sulod sang affidavit bangud naga-obserbar siya sa executive kag legislative departments kag nagapati nga mabudlay magsalig sa mga ini.
Bisan sini, plano gihapon niya nga magsumiter sang kopya sa Office of the Ombudsman.
Ginpanindugan man ni Baligod nga wala siya nagpagwa sang kopya sang affidavit, bisan pa nga may naglapta nga dokumento online.
