Kasamtangan nga yara na sa Israel si Indian Prime Minister Narendra Modi para sa iya duha ka adlaw nga opisyal nga pagbisita.
Ini ang iya una nga pagbisita sa Israel halin sang mag-umpisa ang giyera sa Gaza, kag ginlantaw nga isa ka importante nga tikang sa pagpabakod sang relasyon sang duha ka pungsod.
Sang iya pag-abot, naka-istoryahanay si Modi sanday Prime Minister Benjamin Netanyahu kag President Isaac Herzog, kun sa diin ginpabaskog nila ang koneksiyon kag kolaborasyon sa ekonomiya, teknolohiya, seguridad, kag iba pa nga aspeto sang bilateral relations.
Madumduman nga sang 2017, nangin una nga Indian Prime Minister si Modi nga nagbisita sa Israel, nga nagbukas sang bag-o nga kapitulo sa diplomatic relations sang India kag Israel.
Lakip man sa iya pagbisita ang pagpakita sang suporta sang India sa seguridad sang Israel, kag nagpahayag sang pagkontra sa ginpatigayon nga pag-atake sang Hamas sa Israel sang Oktubre 7, nga ginakabig sang India nga isa ka paglapas sa internasyonal nga kalinong kag seguridad.
