May maathag suno pa nga ebidensiya ang kampo sang prosekusyon sa International Criminal Court (ICC) batok sa alegasyon sang kaso nga crimes against humanity nga ginapangatubang ni Former President Rodrigo Roa Duterte sa nagapadayon nga Confimation of Charges Hearing sa bahin sang The Hague, Netherlands.
Ini ang nangin pahayag ni Prof. Danilo Arao – UP Diliman, Professor- Department of Journalism sa ekslusibo nga interview sang Bombo Radyo Koronadal.
Suno sa iya, maathag ang ginpresentar nga documentasyon sang pagpatay sa mga gina-alegar nga biktima sang War on Drugs ni anay Presidente Duterte.
Ginpahayag man sini nga indi isa ka simple nga pagpatay nga ginhimo kundi isa ka systematiko nga paamagi nga ginhikot sang naglabay nga administrasyon sa diin organisado ang tanan nga gina-alegar nga krimen.
Gina konsiderar naman sini nga isa ka sahi sang “summary Dismissal” kag “blanket denial” ang ginhimo pahayag sang Defence team ni Former Presidente Duterte sa pagpanguna sang lead counsel sini nga si Atty. Nicholas Kaufman.
Suno kay Arao, ginpaguwa ni Atty. Kaufman nga biktima lamang sang ruling elite si Duterte nga wala naman sini mauyunan.
Dismayado man ini bangud nga gina-ekspektar niya nga madamo sang mga ebidensiya kag facts ang epresinta sang depensa apang lain ang natabo bangud wala sang mabakod ang ebidensiya ang kampo ni Duterte.
Ginahulat naman ni Arao kun maserbihan bala sang warrant of arrest ang ginakabig nga co-perpetrators ni Former Presidente Duterte sa diin isa man ka dako nga hangkat sa law enforcements.
