Nalipay si Bayan Muna Representative Former Cong. Karlos Isagani Zarate nga nadayon na ang confirmation of charges hearing sa kaso ni Presidente Rodrigo Duterte sa International Criminal Court (ICC) sa The Hague.
Suno kay Zarate, nga wala sang problema kon indi mag-atubang si Duterte sa hearing bangud kinamatarong niya ini kag may abogado man sia nga magarepresentar sa iya.
Ginasubaybayan naman ni Zarate ang confirmation of charges hearing bilang supporter man sang pamilya sang mga extra-judicial killings (EJK) victims.
Nagalaum ang ini nga mangin positibo ang resulta sang confirmation of charges batok kay Duterte agod nga magdalagan na ang full trial.
Base sa ICC website, naumpisahan na sang Lunes, Pebrero 23 ang confirmation of charges halin las-10:00 sang aga tubtob las-3:00 sang hapon, oras sa The Hague ukon las-5:00 sang hapon tubtob las-10:00 sang gab-i oras sa Pilipinas, sa Pre-Trial Chamber I sa Courtroom I.
Sa Pebrero 27 ang masunod nga mga hearing.
Ginakabig naman sini nga isa ka dako nga development para sa pamilya sang mga biktima sa EJK ang pagdalagan sang kaso ni Duterte sa ICC.
Suno pa sa iya, hustisya ini para sa 6,000 ka mga gina-alegar nga nagbato sa kapulisan sang ara pa sa posisyon ang anay Presidente sa diin nag umpisa ang kaso sang alkade pa ini sang syudad sang Davao.
