Ginpahayag ni Senate President Pro Tempore Panfilo “Ping” Lacson nga mabudlay magbuya sang mga espekulasyon bahin sa pagbisita ni Presidente Ferdinand Marcos Jr. sa Naga City sa Bicol nga ginapamunuan ni anay Vice President kag kasamtangan nga Naga City Mayor Leni Robredo.
Suno sa iya, ang pagbisita ni PBBM sa Naga amo ang resulta sang ila ginpatigayon nga Joint Monitoring para sa “Oplan Kontra Baha” sa probinsya.
Nauna na nga ginpahayag sang kampo sang presidente nga wala gintalakay sa ila pagkit-anay ni Mayor Robredo ang bahin sang national elections sa 2028.
Samtang, ginpahayag ni Robredo nga ang iya pokus subong amo ang magserbisyo sa iya mga AOR sa Naga City kag wala naghatag sang direkta nga sabat sa posibilidad sang iya pagdalagan sa liwat sa pagka-presidente para sa 2028 national elections bilang posible nga kontra ni Vice President Sara Duterte.
