Nagdumili nga magkomento si Senador Rodante Marcoleta sa mga huring-huring nga mangin running mate ni Vice President Sara Duterte sa 2028 elections.
Suno sa Senador, masako siya sa kasamtangan sa iban nga mga butang.
Nakatutok siya sa pag-ayo sang mga sala kag kalakip diri ang mga isyu nga kinahanglan niya tutukan.
Isa sa mga isyu nga ginpunto ni Marcoleta amo ang indi pagintindihanay sang pila ka kilala nga public figures, lakip na sanday retired Supreme Court Justice Antonio Carpio, Senator Panfilo Lacson, Philippine Coast Guard Spokesperson for the West Philippine Sea Commodore Jay Tarriela, maritime law expert Jay Batongbacal, kag anay Senator Francis Tolentino.
Luyag niya nga matutukan ini nga mga isyu anay antes magpokus sa mga plano niya sa pulitika.
Madumduman nga nauna na nga nag-anunsyo si VP Sara plano nga magdalagan sa pagka-presidente sa piniliay sa 2028, kag ang pangalan nanday Senador Robin Padilla kag Sen. Imee Marcos nagtuhaw bilang mga potensyal nga running mate sang Bise Presidente.
