Nakabatak sa subong ang alerto sang Maguindanao Del Sur Police Provincial Office (PPO) sa bug-os sini nga nasakupan agud nga ipabilin ang kalinong sa bilog nga probinsiya labi na nga opisyal na nga nag umpisa sa subong nga adlaw ang sagrado nga bulan sang Ramadan.
Ini ang gin pahayag ni PCPT. Guissepe Tamayo, spokesperson sang Maguindanao del Sur Police Provincial Office, sa interview sang Bombo Radyo Koronadal,
Suno sa iya, sa pihak sang mga kaso ukon serye sang pagpangluthang sa ila nga probinsiya ginpasiguro sang mga kapulisan nga bastante ang ila nga pwersa agud nga ipabilin ang kalinong sa subong nga bulan sang Ramadan.
Mas ginpahutan naman sa subong sang mga otoridad ang mga checkpoints sang mga ini makaligad ang napagkit nga ulihi nga serye sang pagpang-ambush sa ila nga lugar sa diin ginkapatay sang isa ka persona kag ginkapilas sang isa pa ka indibidwal.
Padayon naman ang koordinasyon sang mga kapulisan sa mga pamilya sang mga biktima sang pagpangluthang agud nga mahibaluan kun may mga nabaton nga pamahog sa kabuhi ang biktima antes nagluntad ang pagpang-ambush.
Nagapabilin naman nga blangko ang mga otoridad sa motibo sang mga suspek kag identity sang mga ini sa diin madinalig-on nga nakapalagyo makaligad ang krimen.
