Nahamtang sa bag-o nga imbestigasyon ang R&B singer nga si R. Kelly.
Ini bangud kay may yara siya sang cellphone number sang retirado nga warden sa iya federal lockup sa North Carolina.
Suno sa iya abogado nga si Beau Brindley, nagsugod ang problema sang naulamid siya sa mentor program nga nagabulig sa paggiya sa pila ka inmates.
Naga-monitor ang warden sang programa kag antes siya maghalin, ginbilin niya ang iya cellphone number nga mahumo tawgon kun may inmates nga luyag mangayo sang bulig.
Apang, nadakpan ang duha ka inmates nga may cellphone nga ginadili sulod sa prisohan.
Sa ginpatigayon nga paghalughog sang mga otoridad, nakita nila sa notebook sang singer ang numero sang retirado nga warden.
Bangud sini nga insidente, ginbutang si Kelly sa Special Housing Unit samtang ginahimo sang otoridad ang imbestigasyon.
Dumdumon nga sang 2021, na-convict si Kelly sa New York sa mga kaso nga racketeering, bribery, illegal sex sa menor de nasentinsyahan sang 30 ka tuig nga pagkapriso.
