-- ADVERTISEMENT --
Magahampang sa main draw sang WTA 1000 Dubai Duty Free International Tennis Championship si Alex Eala matapos siya ma-upgrade halin sa qualifying draw.
Ginpaguwa ang anunsiyo pagkatapos nga malab-ot sang 20-anyos nga Pinay ang No. 40 sa Women’s Tennis Association (WTA) rankings.
Bangud sini, makaatubang niya ang pila sa mga top players sa kalibutan kasubong kanday Aryna Sabalenka, Iga Swiatek, kag Elena Rybakina, nga nagkampeon sa Australian Open sang nagligad nga bulan.
Ang Dubai amo ang ikaduha nga torneo ni Eala sa United Arab Emirates matapos ang WTA 500 Abu Dhabi Open kun sa diin nakalab-ot siya sa singles quarterfinals.
Pagkatapos sang Dubai tournament, magabiyahe siya padul-ong sa US agud makahampang sa Indian Wells Open kag Miami Open.
