Halos wala na sang may nasalbar pa ang mga kagamitan ang isa pamilya sa bahin sang Purok Twin Riverwest, Barangay Sto. Niño, Koronadal City makaligad nga masunog ang puluy-an sang mga ini.
Sa interview sang Bombo Radyo Koronadal kay Wilbert Tabuada- BPATs sang nasambit nga barangay, ginapanag-iyahan ang puluy-an nga nasunog sang pamilya Paciente sa diin naabo gid ang tanan nga napundar sang mga ini tungod sa insidente.
Sandig sa imbestigasyon sang mga otoridad, nag umpisa sang kalayo sa hulot ni Nora Paciente sa diin nagdakot ini sang kandila sa iya nga altar samtang naga rosaryo.
Hinali suno pa nga may nagpangayo sa tindahan sini kabangdanan nga nabiyaan niya ang nakasindi nga kandila sa altar. Madasig naman nga nagsigrab ang kalayo sa hulot sini bangud sa light material lamang ang kadam-an sa gamit sa sulod sang hulot. Ulihi na sang matalupangdan sang ni Nanay Nora nga nagkarab-karab na ang iya nga puluy-an kag pati man ang iya nga tindahan.
Madasig naman nga nagresponde ang mga otoridad sa apang wala na may nahingagaw pa nga pagkabutang ni Nanay Nora. Masuwerte naman nga wala sang may napilasan sa insidente.
Nag-paalinton naman ang mga otoridad ga likawan ang pagbiya sa mga kandila sa panimalay agud nga malikawan ang halit sang sunog.
