Nakabaton sang death threat ang biktima sang nagligad nga tuig may kaangtanan sa away sa duta.
Ini ang nangin pahayag ni PLt. James Warren Caang – Spokesperson sang Cotabato Police Provincial Office, sa interview sang Bombo Radyo Koronadal.
Suno kay Caang, gintan-aw nga land conflict ang motibo sa pagpatay sa retirado nga suldado.Madumduman nga ginluthang-patay ang isa ka retirado nga suldado sa bahin sang Barangay Anthurium, Barangay Poblacion, Matalam, Cotabato, kahapon nga adlaw, Pebrero 6, 2026.
Ginkilala ang biktima kay si Leonardo Songcaya, 68 anyos, isa ka retirado nga colonel, may asawa, kag residente sang Barangay Asyzena B, Barangay Poblacion, Matalam, Cotabato.
Narekober sa lugar ang basyo sang armas-luthang nga kalibre .45 kag mga M16 rifle nga gin-usar sang mga suspek sa krimen.
Ginpahayag man ni Caang nga posible magahimo sang Special Investigation Task Group bangud may posisyon sa gobyerno ang biktima.
Sa karon, padayon ang panawagan sang mga otoridad may kaangtanan sa bisan ano impormasyon nga makabulig sa nagapadayon nga imbestigasyon.
